په مصر کې د الازهر د قرآن د حفظ د مؤسسې ۷۰ نوې څانګې پرانېستل شوې

ایکنا - د جامعة الازهر جومات اعلان وکړ چې د مصر په نويو ښارونو کې ئې د الازهر د قرآن د حفظ مؤسسې ۷۰ نوې څانګې پرانېستې دي.

د ایکنا د راپور له مخې، چې د «المؤشر» له قوله خپور شوی راغلي دي، دا نوې څانګې د ديني زده کړو او د قرآن د حفظ د پراختيا په موخې، او همدارنګه دآنلاين    نړيوال  حفظ پلېټ فارم له بريا وروسته، د هغو سيمو د خلکو د اړتيا د پوره کولو لپاره جوړې شوې دي چې هلته مخکې دا ډول څانګې نه وې.

د دې اقدام هدف دا دی چې د قرآن حفظ آسان شي او د هغو سيمو خلکو ته د ديني علومو زده‌کړې ته لاسرسی پيدا شي. دا مؤسسې د شيخ الازهر احمد الطيب د لارښوونو پر بنسټ جوړې شوې، ځکه هغه د الازهر د قرآني څانګو  پراختيا ته ځانګړې پاملرنه لري.

د الازهر د مؤسسو عمومي ناظر، عبدالمنعم فؤاد، وويل: «د نوو څانګو پرانېستل به د مصر د نويو ښارونو د اوسېدونکو تر مینځ د الازهر د منځلاري  او معتدل فکر د خپرېدو يو پُل وي.»

ده زياته کړه: «مونږ هڅه کوو چې د قرآن د حفظ او د قرآني علومو په برخې کې له  افراطي افکارو څخه ليرې، غوره تعليمي خدمتونه وړاندې کړو،څو خپل ځوانان او اولادونه له تندلاروۍ  او سرزورئ وژغورو.»

په همدې لړ کې، د جامع الازهر د جومات متولي، هاني عوده،  وويل: «په نوو څانګو کې به د تدريس بهير د هماغه کيفي معيارونو او دقت سره ترسره کېږي چې د جامعة الازهر د قرآن د حفظ په مؤسسې کې پلي کېږي.»

هغه ټينګار وکړ: «د دې څانګو پرانېستل به زرګونو کسانو ته دا فرصت ورکړي چې د قرآن حفظ، او د ديني او دنياوي علومو له نږدې درک او زده‌کړې څخه برخمن شي.»

https://iqna.ir/fa/news/4315907